معلومات هامه بخصوص نشر الأبحاث

معلومات هامه جداً بخصوص نشر الأبحاث، ومصاريف النشر، وقت النشر.

الأول أول حاجه بتعمليها قبل ما تبعت البحث،إنك بتشوف المجلة الى حضرتك محتجاها. بعد كده بتشوف تفاصيل النشر فى المجلة؛ هل النشر فيها بفلوس ولا لا؟ لو بفلوس بتعرف المبلغ كام. ولو عاوز تعرف ده كيف؟، دور فى صفحة المجلة على النت على كلمة fee or Charge أو اى كلمة من هذا القبيل، وفى الغالب بتلاقى كل المعلومات صريحة وواضحة ، كمان بيقى موضحين طريقة الدفع، الفيزا ولا تحويل بنكى ولا أى شئ. وطبعاً الكلام ده كله بعد قبول البحث فى المجلة بتدفع الفلوس. بعدها البحث بينزل على صفحة المجلة.
فلوس النشر دى فى الغالب بتكون علشان طباعة البحث أوكده، صفحة المجلة على النت بتكون موضحه هل فى نسخه هارد كوبى من المجلة ولا إلكترونى فقط.
مع الإنتباه إن هناك مجلات مضروبه وبتنصب علشان تأخذ فلوس، وأنا كنت عملت بوست من قبل على الجروب بخصوص التأكد من المجلة هل هى متصنفه ولا لا، وأعرف مستوها العلمى.
من ناحية آخرى؛ ممكن المجلة متكنش بتأخذ فلوس وفى الغالب بتكون مجلات كبيره، لانها بتبيع البحث بعد كده وبتأخذ من مقابل زى ما بنشوف فى Elsevier and springier, …etc.. وكل ده بكون واضح على صفحة المجلة على الإنترنت.
وأحياناً ممكن المجلة متكنش بتأخذ فلوس، بس لو هيا مجله ليست open access أى بعنى لازم تشترى البحث علشان تقرأه، ممكن المجلة تكون بتديك خيار لو حابب يكون البحث بتاعك ده open access بس بمقابل بتفدعه للمجلة. فلازم تركز وتفرق بين الأمور دى كلها.
معلومات كمان مهمة ممكن نعرفها من صفحة الويب الخاصه بالمجلة:
– المجلة بطلع كام عدد فى السنه؛ لو قلنا بطلع 12 عدد فى السنه، يعنى كل شهر عدد وده بيشير ان المجلة ممكن تكون سريعه فى النشر، فلازم نلاحظ هذا أثناء البحث عن مجلة. طيب لو المجلة بطلع 6 أعداد فى السنه، معناها ان كل شهرين عدد، وبكده بتأخذ وقت اكبر.
– الوقت المستغرق للنشر ومراجعه البحث والقبول؛ ده فى معظم دور النشر الكبيره زى Elsevier and springier بتكون كل مجلة واضعه كل التفاصيل دى،
الصفحة الرئسية للمجلة؛ هتلاقى تفاصيل مهمه زى Impact Factor وغيره مثل الأشياء التى تهتم المجلة بنشرها Scope، والمجلة متصنفه أين Index.
https://www.journals.elsevier.com/applied-energy
ولو معرفتش توصل للوقت الخاص بالقبول والنشر فى صفحة المجلة إكتب على جوجل إسم المجل وجنبها review time or review speed أشياء زى كده إن شاء الله هتوصل للمعلومات الى إنته عاوزها.
معلومه Elsevier عامه صفة من خلالها ممكن تحط ملخص بحثك وهو يقترح لك المجلات وبوضح كل المعلومات دى:
http://journalfinder.elsevier.com/
فى النهايه أقول دى أشياء لازم تشوفها قبل إرسال البحث للمجلة.
بالتوفيق للجميع

Share on facebook
فاسبوك
Share on twitter
تويتر
Share on linkedin
لينكد إن
Share on whatsapp
واتساب

اترك تعليقاً

المشاركات الاخيرة

أحدث التعليقات

أفحص بحثك بالمجان

رفع الملف